Улуғ шоир ва мутафаккир, ғазал мулкининг султони Ҳазрати Мир Алишер Навоийнинг 582 йиллиги муносабати билан Самарқанд вилояти "Қўриқлаш" бошқармаси ходимлари Шароф Рашидов номидаги Самарқанд давлат университети қошида ташкил этилган Алишер Навоий музейига ташриф буюришди.
Ушбу илмий амалий лабораторияда Алишер Навоийга тегишли 2000 дан ортиқ экспонатлар мавжуд бўлиб, ходимлар музейни кўздан кечириш жараёнида шоирнинг бебаҳо ижоди, илмий маънавий мероси ва ўлмас дурдона асарлари билан танишиш имконига эга бўлишди.
Экскурсия давомида "Қўриқлаш" хизмати ходимларига мутафаккирнинг ҳаёти ва ижоди ҳамда бетакрор фаолияти хусусида кўплаб маълумотлар берилди.
