Ўзбекистон камондан отиш федерацияси ва камондан отиш миллий терма жамоа аъзолари 17-25 январь кунлари Россия Федерациясининг Орёл шаҳрида дўстлик учрашуви очиқ халқаро турнирида иштирок этишди. Ўзбекистонлик ҳамда Россиялик энг кучли мерганлар иштирок этган мазкур ўртоқлик учрашувида спортчилар "Классик", “Микс” ҳамда "Компаунд" йўналишларида ўз имкониятларини синаб кўришди.
Мазкур мусобақа якунига кўра терма жамоамиз аъзоларидан Абдусатторова Зиёдахон ва Содиқов Амирхон фахрли биринчи ўринни ҳамда Юнусова Камола ва Унгалов Озодбек фахрли учинчи ўринни қўлга киритишди. Бугун эрта тонгдан халқаро турнирда иштирок этиб юртимизга ғалаба билан қайтган терма жамоа аъзолари Тошкент халқаро аэропортида муносиб кутиб олинди. Эслатиб ўтамиз мамлакатимиз мерганлари 500 нафар спортчи ва 80 та спорт клублари вакиллари ичида умумжамоа ҳисобида 1-ўринни қўлга киритишди.
