Сирдарё туманидаги Адолат, Бунёдкор, Камолот, Улуғбек ва Дўстлик маҳаллаларида яшовчи фуқароларга вилоят "Қўриқлаш" бошқармаси ходимлари томонидан фуқаро хонадонлари ва объектларини қўриқловга олиш борасида тарғибот тадбирлари олиб борилди.

Тарғибот ва ташвиқот ишлари жараёнида маҳаллаларда яшовчи фуқароларга "Қўриқлаш" хизматининг афзалликлари, хизмат кўрсатиш турлари, тарифлари, яратилаётган имкониятлар ва соҳада ҳозирги кунда фойдаланилаётган замонавий технологиялар ҳамда ойлик тўловлар ҳақида маълумотлар берилди.

Шунинг билан бирга фуқаро хонадонлари, ижтимоий хизмат кўрсатувчи савдо дўконларига бепул ўрнатиб берилаётган огоҳлантирилувчи хабар берувчи ускуналарни ўрнатиш бундай замонавий техникалар турли хил жиноятлар ва ўғирликларнинг сонининг камайиши, аҳоли хотиржамлигини таъминлашга хизмат қилиши таъкидланди.

Аҳолига Миллий гвардия "Қўриқлаш" хизмати фаолияти ҳақида маълумотлар, объект ва хонадони техник қўриқлаш марказларига ва пунктларига улаб қўриқланишини таъминлаш учун онлайн аризалар расмийлаштириш тартиби жорий қилинганлиги ҳақида ҳам батафсил маълумотлар берилди.
Тадбир жараёнида 60 дан ортиқ фуқаролардан хонадонлар ва тадбиркорлик субъектлари ҳамда савдо шахобчаларини қўриқловга топшириш борасида аризалар олиниб, тегишли тартибда ҳужжатлар расмийлаштирилди ва "Қўриқлаш" бўлимининг янги техник қўриқлаш марказига уланди.
Бу каби ишлар "Қўриқлаш" бошқармаси томонидан вилоятнинг барча ҳудудларида давом этмоқда.