Бугунги кунда Миллий гвардиянинг минтақавий ўқув марказларида ҳарбий хизматчи ва Қўриқлаш бош бошқармаси ходимларини, ички ишлар органлари сафдорлар таркиби ҳамда вазирлик ва идораларнинг қўриқлаш (ҳарбийлаштирилган, қоровуллик) бўлинмалари ходимларини тайёрлаш, қайта тайёрлаш ва уларнинг малакасини оширишнинг янги тизими ташкил этилган бўлиб, ўқув жараёнида замонавий ахборот ва педагогик технология воситаларидан кенг фойдаланган ҳолда ташкил этилмоқда. Яратилган шароитларнинг натижаси эса ҳуқуқни муҳофаза қилувчи органларга интеллектуал салоҳиятга эга профессионал кадрларни етказиб берилаётганлиги.
Куни кеча, Фарғона Минтақавий ўқув марказларида белгиланган ўқув курси давомида ўз билимларини оширган ҳарбий хизматчи ва ходимларнинг бир гуруҳига сертификатлар топшириш маросими бўлиб ўтди.
Тадбирда Миллий гвардия Фарғона минтақавий ўқув маркази бошлиғи подполковник Ж.Мирзалиев кириш сўзи билан очиб, тингловчиларни ўқув йиғинини муваффақиятли якунлаганликлари билан табриклаб, уларга сиҳат-саломатлик, тинчлик-омонлик, халқимиз осойишталиги йўлида олиб бораётган шарафли ишларида улкан зафарлар тилади. Ўқув йиғини давомида ўзининг намунали хулқи, тартиб интизоми билан сафдошларига ўрнак бўлган, аъло баҳоларга ўқиган, спорт мусобақасида яхши натижага эришган тингловчиларга марказ бошлиғининг буйруғи асосида Фахрий ёрлиқ ва қимматбаҳо совғалар билан тақдирландилар.
