O'zbekiston Respublikasi Davlat Gerbi
O'zbekiston Respublikasining Davlat Bayrog'i
O'zbekiston Respublikasining Davlat Madhiyasi
Telefon: 1131
Mahsus imkoniyatlar
26.01.2022
ФУРСАТДАН ФОЙДАЛАНМОҚЧИ БЎЛГАН ЎҒРИ ҚЎЛГА ОЛИНДИ

Жорий йилнинг 25 январь куни республикамиз ҳудудида электр таъминотида юзага келган узилишлар сабабли Миллий гвардия Қўриқлаш Бош бошқармаси томонидан барча ҳудудларда тунги вақтда ҳуқуқбузарликларни олдини олиш ҳамда қўриқдаги объектлар ҳамда фуқароларимиз мол-мулкини ишончли ҳимоясини кучайтиришга қаратилган чора-тадбирлар амалга оширилди.
Миллий гвардия Қўриқлаш бош бошқармаси бўлинмалари Республикамиз ҳудудларида кучайтирилган хизмат тартибига ўтказилди ва жойларда қўшимча равишда Тезкор ҳаракатланувчи гуруҳлар ҳамда пиёда патруллик йўналишлари ташкил этилди.
Натижада 25 январь куни тунги соат 20:10 лар атрофида Тошкент вилояти Янгийўл тумани қўриқлаш бўлими ходимлари, йўналиш бўйлаб хизмат олиб бораётган вақтида номаълум шахс, Янгийўл тумани Самарқанд кўчасида жойлашган “Давр банк” Олмазор филиалига қарашли банкоматни очишга уринаётганлиги аниқланиб, тезкор ҳаракатланувчи гуруҳ чақиртирилган. Ходимлар томонидан кўрилган тезкор чора-тадбир натижасида номаълум шахс воқеа жойида ушланиб, ўрнатилган тартибда Янгийўл тумани ИИО ФМБга топширилган.
Дастлабки суриштирув ишлари натижасида ушбу номаълум шахс Янгийўл туманида туғилган 22 ёшли фуқаро И.Д. эканлиги аниқланган.
Ҳозирда ҳолат юзасидан Янгийўл тумани ИИО ФМБ томонидан суриштирув ишлари олиб борилмоқда.

Охирги янгиликлар

ЯНГИ ЎЗБЕКИСТОН ЁШЛАРИ- УЧИНЧИ РЕНЕССАНС БУНЁДКОРЛАРИ

Кўкдала тумани Қашқадарё вилоятида янги ташкил этилганлигига қарамай кўплаб истеъдодли ёшлар камол топаётган замин дейиш мумкин. Куни кеча туманда жойлашган Педагогика коллежида Вилоят Қўриқлаш Бошқармаси ташаббуси билан бир қатор мутасадди ташкилотлар ҳамкорлигида 500 нафар йигит-қизни ўз атрофида бирлаштирган “Янги Ўзбекистон ёшлари бирлашайлик” шиори остида фестиваль бўлиб ўтди.

25-05-2022

ЖИНОЯТЧИЛИККА ҚАРШИ КУРАШИШ МУҲИМ МАСАЛА

Ходимлар орасида хизмат интизоми бузилиш ҳолатларининг олдини олиш, юзага келиши мумкин бўлган турли ҳуқуқбузарлик ҳолатларини барвақт аниқлаш, соҳага доир қонунчиликка киритилаётган ўзгартириш ва қўшимчалар билан таништириш мақсадида куни кеча Бухоро вилояти Қўриқлаш бошқармаси шахсий таркиби иштирокида “Жиноятчиликка қарши курашиш-устувор вазифамиз” мавзусида давра суҳбати бўлиб ўтди.

24-05-2022

МУЛКИЙ ТУРДАГИ ЎҒИРЛИК ЖИНОЯТИНИ ОЛДИНИ ОЛИШ ЗАРБДОР ОЙЛИГИ ДОИРАСИДА

Куни кеча “Қизил” ҳудудга киритилган маҳаллаларда жиноят ва ҳуқуқбузарликларнинг барвақт олдини олиш мақсадида Наманган Шаҳар ИИО ФМБ бошлиғи ва Миллий гвардия Қўриқлаш бошқармаси Наманган шаҳар қўриқлаш бўлими бошлиғи томонидан, шаҳарнинг “Ғишткўприк” маҳалласида ўрганишлар олиб борилди.

23-05-2022